अधिक व्याज देण्याचे आमिष दाखवून फसवणूक
सोलापूर,…
सन २०२० पासून ते सन २०२३ दरम्यान प्रकाश संजय इटकर (मयत) व संजय प्रकाश इटकर यांनी श्री. आदिशक्ती फायनान्स बरूर संस्था स्थापन करून त्यामध्ये ठेवीदार यांना आकर्षक व्याजदराचे आमिष दाखविले. त्यानंतर ठेवीदाराच्या ठेवी स्विकारण्याचे परवान्यातील अटीचा भंग करून अवैद्यरित्या मुदत ठेवीच्या रक्कमा स्वीकारून व त्यावर वार्षिक २४ टक्के असे आकर्षक व्याजदर देण्याचे अमीष दाखविले. त्यांचे फायनान्स मध्ये पिग्मी व रोख स्वरूपात वेगवेगळया रक्कमा फिर्यादी व इतर ४७ ठेवीदार यांच्याकडून घेऊन भरणा करून घेतले. भरणा केलेली एक कोटी ११ लाख १७ हजार ६३० रूपयाची रक्कम व त्यावरील व्याज फिर्यादीस परत दिले नाही . फिर्यादीला आर्थिक फसवणूक करून विश्वासघाताने, संगनमत करून रक्कमेचा अपहार केला आहे. म्हणून प्रकाश ईटकर (मयत) व संजय प्रकाश ईटकर रा. बरूर ता.द. सोलापूर यांचे विरूध्द फिर्याद दाखल करण्यात आला आहे . निर्मला गणेश चौगुले वय ५० वर्ष , राहणार बरूर तालुका दक्षिण सोलापूर यांनी मंद्रूप पोलीसात फिर्याद दिली आहे.
