सरकारच्या शिबिरामधून होणार लाभार्थ्यांचे "समाधान"

छत्रपती शिवाजी महाराज महाराजस्व अभियानांतर्गत नागरीक , शेतकरी व विद्यार्थ्यांसाठी समाधान शिबिराचे आयोजन

सोलापूर…
‘सरकारी काम , सहा महिने थांब’ अशी म्हण आहे. मात्र आता सरकारी कामात गतीमानता आणण्यासाठी आणी सरकारी योजना प्रत्येक लाभार्थ्यांपर्यंत पोहोचविण्यासाठी राज्य सरकारकडून छत्रपती शिवाजी महाराज महाराजस्व समाधन शिबिराचे आयोजन करण्यात आला आहे. या शिबिरात नागरीकांच्या विविध कागदपत्रे, प्रमाणपत्र तसेच विद्यार्थी व शेतकर्‍यांना आवश्यक असणारे प्रमाणपत्र देण्यात येणार आहे.
दक्षिण सोलापूर तालुक्यात मंद्रूप अप्पर तहसील व दक्षिण तहसील कार्यालयाकडून मंडलनिहाय समाधान शिबिराचे आयोजन करण्यात आले असून ७ मार्चपासून या अभियानाला सुरूवात होणार आहे. मंद्रूप अप्पर तहसील कार्यालयांतर्गत मंद्रूप, निंबर्गी, विंचूर व औराद मंडलमध्ये प्रत्येकी दोन गावात सहा शिबिर होणार आहेत. तर दक्षिणमधील वळसंग व होटगी मंडलमधील प्रत्येकी दोन गावात चार शिबिर होणार आहेत. तरी लाभार्थ्यांनी समाधान शिबिराचे लाभ घेण्याचे आवाहन दक्षिणचे तहसीलदार किरण जमदाडे व मंद्रूपचे तहसीलदार विष्णु बुटे यांनी केला आहे.

…
चौकट
….
दक्षिणमधील शिबिर ठिकाण
….
बोरामणी .. ७ मार्च
होटगी .. १४ मार्च
वळसंग.. १० एप्रिल
मुस्ती.. १७ एप्रिल
…,
मंद्रूप तहसीलमधील ठिकाण
…
माळकवठे… ७ मार्च
मंद्रूप.. १४ मार्च
औराद.. १० एप्रिल
विंचूर.. १७ एप्रिल
निंबर्गी… ८ मे
टाकळी.. १५ मे