वळसंग पोलीसांची धडक कारवाई
सोलापूर….दक्षिण सोलापूर तालुक्यातील धोत्री येथील शेतात बेकायदेशीररीत्या लावलेली गांजाची झाडे वळसंग पोलिसांनी जप्त केली आहेत. या कारवाईत सुमारे, ३ लाख १२ हजार ८०० रुपये, किमतीचा १५ किलो ६४० ग्रॅम गांजा हस्तगत करण्यात आला असून आरोपीला अटक करण्यात आली आहे. रामचंद्र मारुती गायकवाड (वय ३४, रा. धोत्री) याने आपल्या शेतात (गट नं. २२४) गांजाची लागवड केल्याचे निष्पन्न झाले होते.
सोमवारी रात्री ९ च्या सुमारास पोलिसांनी येथे छापा टाकला. यावेळी गडद हिरव्या रंगाची फुले व फळे आलेली ३० गांजाची झाडे मुळासह जप्त करण्यात आली. हा मुद्देमाल सील करण्यात आला असून फॉरेन्सिक तपासासाठी मातीचे नमुनेही घेण्यात आले आहेत. आरोपीविरुद्ध एन.डी.पी.एस. अॅक्टनुसार गुन्हा दाखल करून आरोपीस अटक करण्यात आली. ही कारवाई पोलीस अधीक्षक अतुल कुलकर्णी, अपर पोलीस अधीक्षक प्रीतम यावलकर यांच्या मार्गदर्शनाखाली पोलीस निरीक्षक राहुल डोंगरे व त्यांच्या पथकाने केली. अधिक तपास फौजदार कांबळे करत आहेत.
__________________________________
*🛑नवप्रभात न्युज पोर्टल ला बातम्या व जाहिरातीसाठी संपर्क करा*
*संपादक :- अमोगसिद्ध मुंजे*
*9423535294*
