उत्तुंग यश मिळवून नावलौकीक वाढवा.

लोकसेवा प्रशालेतिल विद्यार्थ्यांचे यश कौतुकास्पद .. केंद्रीय मुख्याध्यापक प्रकाश कुंभार गुरुजी

सोलापूर …
दक्षिण सोलापूर तालुक्यात शिक्षण क्षेत्रात नावाजलेल्या लोकसेवा विद्यामंदिर व कनिष्ठ महाविद्यालयातील विद्यार्थ्यांचे विविध क्षेत्रातील यश कौतुकास्पद आहे. विद्यार्थ्यांनी गुणवत्तापूर्ण शिक्षण घेताना आईवडील व गुरूजनांचे नावलौकीक करण्याचे प्रतिपादन मंद्रूप येथील केंद्रीय मुलांच्या शाळेचे मुख्याध्यापक प्रकाश कुंभार गुरूजी यांनी केले. लोकसेवा विद्यामंदिर व कनिष्ठ महाविद्यालय येथे महिला दिनाच्या कार्यक्रमात ते बोलत होते. यावेळी प्रमुख पाहुणे म्हणून मंडलअधिकारी ज्योतीराम पवार होते. यावेळी प्राचार्य बसप्पा घाटे, उपप्राचार्य बसवराज कुमठेकर, पत्रकार व नवप्रभात न्यूज पोर्टलचे संपादक अमोगसिद्ध मुंजे , पर्यवेक्षक मदगोंढा मलकारी यांची उपस्थिती होती

यावेळी महिला दिनाचे औचित्य साधून प्रशालेतील महिला शिक्षिका व प्राध्यापिका यांचे सत्कार करण्यात आले .
यावेळी प्रशालेतील रंगभरण व चित्रकला स्पर्धेत यश मिळविलेल्या विद्यार्थी व विद्यार्थिनींचा मान्यवरांच्या हस्ते सत्कार करण्यात आला . यावेळी बोलताना मंडळ अधिकारी पवार म्हणाले की , लोकसेवा प्रशालाचे विद्यार्थी नेहमी विविध क्षेत्रात प्रसिद्धीस येत आहेत. या प्रशालेत शिक्षिकांकडून गुणवत्तापूर्ण शिक्षण देण्यावर भर दिला जातो. म्हणून येथील विद्यार्थी गुणवान व यशवंत आहेत . भावी काळातही येथील विद्यार्थ्यांनी उत्तुंग यश संपादन करावे अशा शुभेच्छा दिल्या . कार्यक्रमाचे सूत्रसंचालन धानप्पा बगले यांनी केले, तर सुभाष सुतार यांनी आभार मानले.

चौकट
….
विद्यार्थ्यांनी व्यक्त व्हावे.
…,
आजच्या स्पर्धेच्या युगात प्रत्येक ठिकाणी संघर्ष आहे. संघर्ष करताना समाधानी जीवन जगण्यावर भर द्यावे. तसेच आपल्या मनातील इच्छा व विचार मित्र, आईवडील व गुरूंच्या समोर व्यक्त करावे. यामुळे मन हलके होऊन यश मिळविण्यासाठी नवीन ऊर्जा मिळते, असे पत्रकार तथा संपादक अमोगसिध्द मुंजे यांनी सांगितले.