दक्षिणच्या सभापतीकडून नागरीकांच्या समस्या सोडविण्यास प्राधान्य

मार्चअखेर विकास कामांना मिळणार गती

सोलापूर…
दक्षिण सोलापूर पंचायत समितीचे सभापती म्हणून संदीप टेळे यांनी पदभार स्वीकारल्यापासून विकासकामांचा धडाका लावला आहे . मार्च अखेर असल्यामुळे प्रलंबित असलेल्या विकासकामांचा पाठपुरावा करून कामे पूर्ण करण्यासाठी प्रयत्न करीत आहेत . गटविकास अधिकारी मनोज राऊत यांच्याशी प्रलंबित विकास कामांबाबत चर्चा केली .
चार वर्षांपासून लोकप्रतिनिधी नसल्यामुळे मोठ्या प्रमाणात नागरिकांची कामे खोळंबली आहेत. घरकुल व शौचालय बिल , कृषी अवजारे तसेच विविध साहीत्य वाटप लकी ड्रॉ , पाणीपुरवठा समस्या व रस्त्यांची कामे यासह अनेक कामे प्रलंबित आहेत. सभापती टेळे यांनी आमदार व वरिष्ठ अधिकार्‍यांकडे या कामांसाठी पाठपुरावा सुरू केला आहे. दक्षिणमधील विविध गावचे सरपंच व लोकप्रतिनिधी विकास कामांबाबत तक्रार केल्यानंतर त्वरित समस्या निवारण करण्यात येत आहे.

गटविकास अधिकारी मनोज राऊत यांच्याबरोबर चर्चा करून काम त्वरित मार्गे लावण्यासाठी प्राधान्य देण्यात येत आहे.
सोमवारी तालुक्यातील विविध गावचे सरपंच व पंचायत समिती सदस्य यांनी सभापती टेळे यांची भेट घेऊन अनेक अडचणी सांगितल्या. त्यावेळी सभापती टेळे यांनी आमदारांमार्फत लवकरच समस्या सोडवण्यासाठी प्रयत्न करणार असल्याचे सांगितले.

…..
नागरीकांनी संपर्क साधावे
…
घरकुल, कृषी औजारे व साहीत्य वाटपसह शासकीय कामांबद्दल अडचणी असल्यास सभापती कक्षात प्रत्यक्ष संपर्क साधावे. नागरीकांच्या अडचणी सोडविण्यासाठी कटिबध्द असून नागरीकांनी अडचणी व समस्यांसाठी नवीन इमारतीमधील सभापती कक्षात प्रत्यक्ष भेटावे. नागरीक व शासन यांच्याशी समन्वय साधून तालुक्याच्या विकासाला प्राधान्य देणार असल्याचे सभापती संदिप टेळे यांनी सांगितले.