रविवारी मंद्रूपमध्ये विद्यार्थी मेळावा व अधिकारी सत्कार कार्यक्रमाचे आयोजन
मंद्रूप …
येथील जिल्हा परिषद मुलांची केंद्र शाळा व माजी विद्यार्थी संघाच्या वतीने माजी विद्यार्थी मेळावा व मंद्रूपमधील गुणवंत अधिकाऱ्यांचा सत्कार कार्यक्रमाचे आयोजन करण्यात आला आहे. तसेच दहावी व बारावीनंतर पुढे काय ? या विद्यार्थी व पालकांसाठी प्रेरणादायी मार्गदर्शन कार्यक्रमाचेही आयोजन करण्यात आला आहे. रविवारी १२ एप्रिल रोजी सायंकाळी पाच वाजता मंद्रूप येथील उपमुख्य कार्यकारी अधिकारी नौशाद काझी, सहाय्यक कक्ष अधिकारी प्रशांत वाघमोडे व भूवैज्ञानिक अनिल कुमठाळे यांचा जिल्हा परिषदेचे मुख्य कार्यकारी अधिकारी कुलदीप जंगम यांच्या हस्ते सत्कार करण्यात येणार आहे.
या कार्यक्रमाच्या अध्यक्षस्थानी सरपंच अनिता कोरे राहणार आहेत. तर माजी सभापती गुरुसिध्द म्हेत्रे यांच्या हस्ते प्रतिमा पूजन करण्यात येणार असून सभापती संदीप टेळे , उपसभापती वर्षा पटणे, जिल्हा परिषद सदस्या सोनाली कडते व पंचायत समिती सदस्य मळसिध्द मुगळे यांच्या हस्ते दीप प्रज्वलन करण्यात येणार आहे. यावेळी मंद्रूपचे अप्पर तहसीलदार विष्णू बुटे यांच्या हस्ते संविधान कोनशिला अनावरण , प्राथमिक विभागाचे शिक्षणाधिकारी कादर शेख यांच्या हस्ते शालेय अहवाल पुस्तिका प्रकाशन, गटविकास अधिकारी मनोज राऊत यांच्या हस्ते संगणक कक्ष उद्घाटन व गटशिक्षणाधिकारी जयश्री सुतार यांच्या हस्ते प्रज्ञा चक्षू वाचनालयाचे उद्घाटन करण्यात येणार आहे. यावेळी शाळेचे अनेक ज्येष्ठ माजी विद्यार्थीसह अनेक लोकप्रतिनीधी, पदाधिकारी, शासकीय अधिकारी व कर्मचारी उपस्थित राहणार आहेत . तरी या कार्यक्रमाला उपस्थित राहण्याचे आवाहन शाळेचे मुख्याध्यापक प्रकाश कुंभार गुरुजी व शालेय व्यवस्थापन पदाधिकारी यांनी केला आहे.
..,,
प्रेरणादायी मार्गदर्शनाचे आयोजन
…
मंद्रूपमध्ये जिल्हा परिषद शाळेतील अनेक विद्यार्थी स्पर्धा परीक्षेत यश मिळवून महत्वाच्या पदावर कार्य करीत आहेत. त्यामुळे मंद्रूपचे नावलौकीक होत आहे. म्हणून शाळेत शिकणार्या विद्यार्थ्यांसाठी दहावी — बारावी नंतर पुढे काय करावे ? या विषयावर यशस्वी अधिकार्यांचे मार्गदर्शन आयोजित करण्यात आला आहे. तरी अधिकाधिक विद्यार्थी व पालकांनी कार्यक्रमाला उपस्थित राहण्याचे आवाहन करण्यात आला आहे.
…
__________________________________
*🛑नवप्रभात न्युज पोर्टल ला बातम्या व जाहिरातीसाठी संपर्क करा*
*संपादक :- अमोगसिद्ध मुंजे*
*9423535294*
