आमदार देशमुख यांच्या प्रयत्नामुळे मंद्रूपकरांच्या अपेक्षा पूर्ण होणार …
सोलापूर…
मंद्रूप व परिसरातील गावांच्या लोकसंख्या वाढीमुळे दिवसेंदिवस प्रवास वाढत आहे . त्यामुळे सीना भीमा खोऱ्यातील लोकांच्या सोयीसाठी मंद्रूप येथे नवीन बस स्थानक होण्याची गरज आहे. दहा— पंधरा वर्षापासून मंद्रूप येथील नवीन बस स्थानकाची मागणी होत आहे . यासाठी ग्रामपंचायतकडून पाठपुरावा सुरू आहे. मात्र प्रशासकीय अडथळ्यांमुळे बस स्थानकास विलंब होत आहे . आमदार सुभाष देशमुख यांनी मंद्रूपच्या नवीन बसस्थानकाला प्राधान्य दिले असून भंडारकवठे रस्त्यालगत असणार्या गावतलावा जवळील दीड एकर परिसरात नवीन सुसज्ज बस स्थानक होणार असल्याची माहिती भाजपाचे गौरीशंकर मेंडगुदले यांनी दिली.
आमदार सुभाष देशमुख यांच्या कार्यालयात परीवहन विभागाचे उपअभियंता तुषार चौधरी व विभागीय व्यवस्थापक अमोल गोंजारी यांच्याबरोबर मंद्रूप बसस्थानकासंदर्भात बैठक झाली. यावेळी मेंडगुदले यांनी नवीन बसस्थानकासाठी ग्रामपंचायतकडून ठराव व जागेचा उतारा देण्यात आले असून प्रस्ताव मंजूरीबाबत विचारणा केली. त्यावेळी परीवहन अधिकार्यांनी मंद्रूप बसस्थानकाचा प्रस्ताव महा व्यवस्थापकाकडे पाठविण्यात आले असून परीवहन मंत्र्यांच्या मंजूरीनंतर बसस्थानक सुरू होणार असल्याचे सांगितले. त्यामुळे लवकरच मंद्रूपमध्ये बसस्थानक सुरू होणार असल्याने प्रवाशांची सोय होणार आहे. यामुळे अनेक वर्षापासून मंद्रूपचा प्रलंबित असणारा नवीन बसस्थानकाचा विषय निकाली निघणार असल्याचे मेंडगुदले यांनी सांगितले.
__________
नवप्रभात न्युज पोर्टल ला बातम्या व जाहिरातीसाठी संपर्क करा.
संपादक :- अमोगसिद्ध मुंजे
9423535294
