कृषी व पशुसंवर्धन सभापती रामप्पा चिवडशेट्टी यांच्या वाढदिवसानिमित्त विविध सामाजिक कार्यक्रम संपन्न
दक्षिण सोलापूर : समाजहित आणि लोककल्याणाची जपणूक करत दक्षिण सोलापूर तालुक्यातील जिल्हा परीषदचे कृषी व पशुसंवर्धन सभापती रामप्पा चिवडशेट्टी सावकार यांच्या वाढदिवसानिमित्त आहेरवाडी येथे विविध सामाजिक, आरोग्यविषयक व जनकल्याणकारी उपक्रम उत्साहात राबविण्यात आले . बापू-दादा-सावकार बहुउद्देशीय व सामाजिक संस्थेच्या वतीने आयोजित या उपक्रमांना नागरिकांचा उत्स्फूर्त प्रतिसाद लाभला. रक्तदान शिबिर, मोफत आरोग्य तपासणी शिबिर, वृक्षारोपण, आयुष्मान भारत कार्ड नोंदणी, एस.टी. मोफत प्रवास कार्ड नोंदणी आदी विविध उपयुक्त शिबिरांमुळे आहेरवाडी परिसर दिवसभर समाजसेवेच्या रंगात न्हाऊन निघाला. सभापती चिवडशेट्टी सावकार यांच्या वाढदिवसाच्या रक्तदान शिबिरात १७७ रक्तदात्यांनी रक्तदान केले.
कार्यक्रमाचे उद्घाटन दक्षिण सोलापूर पंचायत समितीचे सभापती संदीप टेळे, जिल्हा परिषद सदस्य सिद्धाराम शिवमूर्ती आणि भाजप युवा नेते डाॅ. अनिल हवीनाळे यांच्या हस्ते करण्यात आले. यावेळी उपस्थित मान्यवरांनी समाजोपयोगी उपक्रमांच्या माध्यमातून वाढदिवस साजरा करण्याच्या संकल्पनेचे कौतुक करत समाजासाठी प्रेरणादायी कार्य असल्याचे गौरवोद्गार काढले.
कडक उन्हाची पर्वा न करता तब्बल १७७ रक्तदात्यांनी रक्तदान करून सामाजिक बांधिलकीचे दर्शन घडविले. रक्तदानाच्या माध्यमातून अनेक गरजू रुग्णांना जीवनदान मिळण्याचा मार्ग खुला झाला आहे.
यावेळी बापू – दादा – सावकार – बहुउद्देशीय सामाजिक संस्थेचे संस्थापक-अध्यक्ष तथा पंचायत समिती सदस्य पंचप्पा धनशेट्टी, मल्लिनाथ चिवडशेट्टी, कल्याणी कोकरे, श्रीकांत चिवडशेट्टी, जकण्णा कोरे, रेवणसिद्ध पटणे, जगन्नाथ गायकवाड, तिल्हेळचे उपसरपंच सिद्धराम धायगोडे, केदार हिरापूरे, श्रीशैल व्हनमाने, प्रभाकर दिंडोरे, शशिकांत पाटील, परमेश्वर हिप्परगे, पंडित पाटील, नागनाथ बोरुटे, विशाल माने, राजशेखर कुंभार, शिवराज कोरे, सिद्धेश्वर पाटील, संतोष हक्के, सिद्धेश्वर कोटाणे, लक्ष्मीकांत कुलकर्णी, नागनाथ रामपुरे, सोमनाथ देशमुख, विश्वनाथ आलूरे, शौकत इमानदार, राजशेखर बिराजदार, मल्लिकार्जुन यळसंगे, परशुराम आटकर, सिद्धाराम सासवे तसेच दमानी ब्लड बँकेचे अधिकारी अभय कुलकर्णी, अमरजा थिटे यांच्यासह अनेक मान्यवर उपस्थित होते.
दरम्यान, सायंकाळी आयोजित करण्यात आलेल्या सत्संग व प्रवचन कार्यक्रमालाही मोठी गर्दी झाली होती. बेळगाव येथील प्रवचनकारांनी अध्यात्म, संस्कार, समाजसेवा, नैतिक मूल्ये आणि सकारात्मक जीवनशैली यांसारख्या विषयांवर मार्गदर्शन केले.
_________________________________
*🛑नवप्रभात न्युज पोर्टल ला बातम्या व जाहिरातीसाठी संपर्क करा*
*संपादक :- अमोगसिद्ध मुंजे*
*9423535294*
