महेश कांबळे यांची जिल्हाधिकाऱ्यांकडे तक्रार
मंद्रूप… शासकीय जागेत अतिक्रमण करून जागा हडप करणारे वाॅर्ड क्रमांक दोन मधील ग्रामपंचायत सदस्या रियाना गपूर शेख यांचे सदस्यत्व रद्द करून कारवाई करण्याची तक्रार सामाजिक कार्यकर्ते महेश कांबळे यांनी जिल्हाधिकाऱ्याकडे केली आहे .
रियाना शेख या वाॅर्ड क्रमांक दोन मधील सदस्या आहेत. यापूर्वी त्यांनी २०२१ च्या पोटनिवडणुकीत विजय मिळविल्या होत्या . त्यानंतर 2022 च्या पंचवार्षिक निवडणूकीत त्या विजयी झाल्या. निवडून आल्यानंतर रियाना शेख यांनी वाॅर्ड क्रमांक दोन मधील रस्त्यावरील शासकीय जागेवर अतिक्रमण केला आहे. पत्र्याचा शेड मारून त्या ठिकाणी वास्तव्य करीत आहेत. त्यामुळे शासकीय जागेवर अतिक्रमण करणाऱ्या शेख यांचे सदस्यत्व रद्द करुन त्यांच्यावर कारवाई करण्याची मागणी महेश कांबळे यांनी जिल्हाधिकाऱ्याकडे केली आहे .जिल्हाधिकाऱ्यांनी या पत्राची दखल घेऊन दक्षिणचे गटविकास अधिकारी व विस्तार अधिकारी यांना चौकशी करून अहवाल देण्याचे आदेश दिले आहेत . विस्तारअधिकारी युसुफ पठाण यांनी पंचनामा केला असून वरिष्ठांकडे अहवाल पाठविल्याचे सांगण्यात येते. त्यामुळे ग्रामपंचायत सदस्या शेख यांच्यावर काय कारवाई होणार ? याकडे लक्ष लागून राहिले आहे.
__________________________________
*🛑नवप्रभात न्युज पोर्टल ला बातम्या व जाहिरातीसाठी संपर्क करा*
*संपादक :- अमोगसिद्ध मुंजे*
*9423535294*
