मंद्रूपच्या लोकसेवा प्रशालेतील विद्यार्थ्यांचे दहावी परीक्षेतील यशाची परंपरा कायम

सेमी माध्यमचा निकाल १०० टक्के

मंद्रूप…
मंद्रूप येथील शिक्षण प्रसारक मंडळ मंद्रूप संचलित लोकसेवा विद्यामंदिर व कनिष्ठ महाविद्यालयाच्या विद्यार्थ्यांनी दहावीच्या बोर्ड परीक्षेत यशाची परंपरा कायम ठेवली आहे. सन 2025-26 च्या दहावी परीक्षेत प्रशालेचा निकाल ८९.०९ टक्के लागला आहे. काॅपीमुक्त तथा सरमिसळ आणि सीसीटीव्हीच्या निगराणीत, तणाव विरहित व भयमुक्त, शांततेच्या वातावरणामध्ये प्रशालेच्या सेमी माध्यमचा निकाल १०० टक्के लागला असून यामध्ये अभिषेक सूर्यकांत मोगलाई याने ९२.२० टक्के गुण घेऊन प्रशालेत प्रथम तर वैष्णवी सुधाकर कोरे ही ८९.९० टक्के गुण घेऊन द्वितीय आणि विजयालक्ष्मी रविराज म्हेत्रे ही ८९.२० टक्के गुण घेऊन तृतीय क्रमांक मिळविले आहे. त्याचप्रमाणे प्रशालेचा मराठी माध्यमचा निकाल ८२.१७ टक्के लागला असून प्रथम क्रमांक उदयराज भुताळसिद्ध गिरगाव ७६ टक्के तर द्वितीय क्रमांक ऋतुजा नागनाथ जोडमोटे ७२.८० टक्के आणि तृतीय क्रमांक जयश्री ज्योतिबा माने ७०.२० टक्के गुण मिळविले आहे .
दहावी परीक्षेत प्रविष्ट झालेल्या विद्यार्थ्यांमध्ये विशेष योग्यतेत २४ विद्यार्थी, प्रथम श्रेणीत ३८ विद्यार्थी, द्वितीय श्रेणीत ५- विद्यार्थी, तृतीय श्रेणीत २९ विद्यार्थी अशाप्रकारे मोठ्या संख्येने उत्तीर्ण झाले आहेत. ओंकार मळसिद्ध कोळी याने 35% गुण मिळवून या प्रशालेतून उत्तीर्ण झाला आहे.
सर्व यशस्वी विद्यार्थ्यांचे सहसचिव तथा माजी युवा सरपंच आप्पासाहेब म्हेत्रे, माजी सरपंच विश्वनाथ हिरेमठ, भाजपा संघटक गौरीशंकर मेंडगुदले यांच्या हस्ते करण्यात आले.
सर्व यशस्वी विद्यार्थी व मार्गदर्शक शिक्षकांचे शिक्षण संस्थेचे अध्यक्ष माजी आमदार शिवशरण पाटील, सचिव माजी सभापती गुरुसिद्ध म्हेत्रे, सहसचिव माजी सरपंच पिरप्पा म्हेत्रे , सर्व संचालक प्राचार्य बसप्पा घाटे, उप मुख्याध्यापक मदगोंडा मलकारी ,  पर्यवेक्षक शिवपुत्र म्हेत्रे , शालेय व्यवस्थापन समितीचे पदाधिकारी, श्री मल्लिकार्जुन वस्तीगृहाचे अधीक्षक व सर्व शिक्षक, शिक्षिका व शिक्षकेतर कर्मचारी वृंद तथा प्राध्यापक, प्राध्यापिका, आणि ग्रामस्थांनी अभिनंदन केले.
__________
नवप्रभात न्युज पोर्टल ला बातम्या व जाहिरातीसाठी संपर्क करा.
संपादक :- अमोगसिद्ध मुंजे
9423535294