आंध्र, कर्नाटक, मराठवाडासह पश्चिम महाराष्ट्रातून इच्छुकांची नोंदणी
सोलापूर :
चर्मकार समाज विकास मंडळाच्या वतीने यंदाही समाजातील उपवर, युवक, युवती, घटस्फोटीत, विधवा आणि विधूर यांच्यासाठी राज्यस्तरीय वधू-वर परिचय संमेलनाचे आयोजन करण्यात आले आहे. रविवार, ३१ मे २०२६ रोजी जामगोंडी लॉन्स, आसरा चौक, जुळे सोलापूर येथे हा मोफत वधू-वर परिचय संमेलन आयोजित करण्यात आला आहे. यंदा राज्यस्तरीय वधू-वर परिचय संमेलनाचे दुसरे वर्ष असून आंध्र, कर्नाटक, मराठवाडा, पश्चिम महाराष्ट्रातून वधू-वर आणि त्यांचे पालक उपस्थित राहणार असल्याची माहिती मुख्य निमंत्रक राजशेखर जेऊरकर यांनी पत्रकार परिषदेत दिली.
गत वर्षी झालेल्या संमेलनात ९६० वधू-वर यांची नोंदणी झाली हाेती. या मेळाव्याला १६०० पालकांनी उपस्थिती लावली हाेती. मरावाड्यात लातूर, उस्मानाबाद, नांदेड, बीड तर पश्चिम महाराष्ट्रात सोलापूरसह पुणे, कोल्हापूर, सांगली, सातारा आणि मुंबई, ठाणेसह १० जिल्ह्यातून पालक आणि वधू-वरांनी हजेरी लावली होती. याशिवाय आंध्रमधून हैदराबाद आणि कर्नाटकमधून बिदर, कलबुर्गी, विजयपूर येथूनही समजा बांधवांनी, पालकांनी हजेरी लावली हाेती. यंदाही येथून इच्छुक उमेदवार आणि पालक येत आहेत.
रविवार 31 मे रोजी सदर कार्यक्रम होणार असून कार्यक्रमाच्या अध्यक्षस्थानी रायगड जिल्ह्याचे उपजिल्हाधिकारी भारत वाघमारे राहणार असून कार्यक्रमाचे उद्घाटन महाराष्ट्र राज्य विद्युत वितरण सोलापूरचे अधीक्षक अभियंता सुनील माने यांच्या हस्ते होणार आहे. राष्र्टीय चर्मकार महासंघाचे प्रदेशाध्यक्ष माधव गायकवाड हे प्रमुख अतिथी म्हणून उपस्थित राहणार आहेत. यावेळी पूर्वा वाघमारे, शुभांगी माने, हरिदास टोणपे, सुभाष सावस्कर, दत्ता शिंदे यांची प्रमुख उपस्थिती लाभणार आहे.
पत्रकार परिषदेस वधु वर परिचय संमेलन नियोजन समितीचे प्रमुख वामन धुळराव ,परशुराम शिंदे , सदाशिव कांबळे ,काशिनाथ वाघमारे,मल्हारी बनसोडे, दत्ता शिंदे ,शिवपुत्र हरवाळकर ,दत्ता हरवाळकर ,अंबादास वाघमारे,संगीता शिंदे ,सुनिता वनस्कर ,रेवणसिद्ध व्हनमराठे ,शावरप्पा वाघमारे,सुजाता हरवाळकर ,राजश्री कांबळे पोर्णिमा धूळराव , इत्यादी उपस्थित होते.
कार्यक्रम यशस्वी करण्यासाठी शिवकुमार तोलनुरे, कल्लप्पा व्हनहुवे ,राजेंद्र कांबळे ,राजू व्हनकोरे आदी निमंत्रक परिश्रम घेत आहेत.
__________________________________
*🛑नवप्रभात न्युज पोर्टल ला बातम्या व जाहिरातीसाठी संपर्क करा*
*संपादक :- अमोगसिद्ध मुंजे*
*9423535294*
