हायकमांडच्या आदेशानुसार दिला राजीनामा
बेंगळूर…
कर्नाटकामध्ये काँग्रेस पक्षात मोठे सत्तांतर झाले असून मुख्यमंत्री सिद्धरामय्या यांनी आपल्या पदाचा राजीनामा दिला आहे. काँग्रेस हायकमांडच्या सूचनेनुसार, आता उपमुख्यमंत्री डी. के. शिवकुमार हे कर्नाटकचे नवे मुख्यमंत्री म्हणून सूत्रे स्वीकारणार आहेत. सिद्धरामय्या यांनी २८ मे रोजी मंत्रिमंडळाच्या बैठकीत राजीनामा देण्याची घोषणा केली. २९ मे रोजी राज्यपाल थावरचंद गेहलोत यांनी राजीनामा स्वीकारला आहे. २०२३ मध्ये काँग्रेस पक्षाने सत्तेवर आल्यानंतर अडीच-अडीच वर्षे मुख्यमंत्रिपदाचा फॉर्म्युला ठरवला होता. त्यानुसार सिद्धरामय्या यांनी आपला कार्यकाळ पूर्ण केल्याने त्यांनी हे पद सोडले आहे. सिध्दरामया आणि शिवकुमार यांच्यात अडीच अडीच वर्षाचा फाॅर्म्युला ठरला होता. मात्र तीन वर्ष झाल्यानंतरही सिध्दरामया राजीनामा देत नसल्याने शिवकुमार यांनी अनेक वेळा पक्षश्रेष्ठींकडे नाराजी व्यक्त केले होते. त्यानुसार पक्षाचे नेते रणजित सूरजेवाला आणि केसी वेणुगोपाल यांच्याशी चर्चा करून आणि हायकमांड राहुल गांधी यांच्या आदेशानुसार सिध्दरामया यांनी मुख्यमंत्री पदाचा राजीनामा देऊन शिवकुमार यांना मुख्यमंत्री होण्याचा मार्ग सुलभ केला आहे.
पक्षाचे प्रदेशाध्यक्ष आणि सध्याचे उपमुख्यमंत्री डी. के. शिवकुमार यांची नवे मुख्यमंत्री म्हणून निवड निश्चित आहे. नवीन मुख्यमंत्र्यांची निवड आणि विधिमंडळ पक्ष नेतेपदाच्या निवडीसाठी बेंगळुरूमध्ये काँग्रेस विधिमंडळ पक्षाची बैठक आयोजित करण्यात आली आहे. डी. के. शिवकुमार यांच्यासमोर सिद्धरामय्या यांच्या समर्थकांना सोबत घेणे, आगामी राज्यसभा आणि विधान परिषद निवडणुकांमध्ये पक्षाला विजय मिळवून देणे आणि काँग्रेसच्या ‘५ गॅरंटी योजना’ सुरळीत चालू ठेवणे ही मुख्य आव्हाने आहेत.
सिद्धरामय्या यांनी केंद्रातील राज्यसभेची ऑफर नाकारली असून, आपण सक्रिय राजकारणात राहून कर्नाटक राज्यातच काम करणार असल्याचे स्पष्ट केले आहे. डी. के. शिवकुमार यांच्या नवीन सरकारमध्ये ते महत्त्वाची भूमिका बजावतील.
कर्नाटकाच्या राजकारणात लिंगायत आणि वक्कलिगा समाज निर्णायक भूमिकेत आहे. त्यामुळे आगामी निवडणूकीच्या पार्श्वभूमीवर वक्कलिगा समाजाला काॅंग्रेसकडे आकर्षित करण्यासाठी पक्षाने शिवकुमार यांना संधी दिल्याचे बोलले जात आहे.
*************
नवप्रभात न्युज पोर्टलला बातम्या व जाहिरातीसाठी संपर्क करा.
संपादक :- अमोगसिद्ध मुंजे
मो.नं. 9423535294
