परिचारक व राऊत यांच्यात कोण मारणार बाजी ?
सोलापूर… विधानपरिषद उमेदवारी अर्ज दाखल करण्याचा शेवटचा दिवस जवळ आला तरी अद्याप उमेदवारी जाहीर न झाल्याने उमेदवारीविषयी सस्पेन्स कायम आहे. माजी आमदार प्रशांत परिचारक व राजेंद्र राऊत यांची नावे आघाडीवर असले तरी मुख्यमंत्री देवेंद्र फडणवीस यांचे निकटवर्तीय असणारे परिचारक यांची उमेदवारी निश्चित मानली जात आहे. दरम्यान भाजपच्या पाच इच्छुक उमेदवारांनी अर्ज घेतल्याचे सांगण्यात आले.
सोलापूर विधानपरीषदे साठी भाजपाकडून उमेदवारीचा सस्पेन्स कायम ठेवण्यात आला आहे . सोलापूरसाठी प्रशांत परिचारक, राजेंद्र राऊत, शहाजी पवार, रोहन देशमुख यांच्यासह अनेकांची नावे चर्चेत होती. मात्र राऊत व परीचारक यांच्यात उमेदवारीसाठी चुरस निर्माण झाली आहे. भाजपच्या नेतृत्वाकडून कोणाला संधी मिळणार ? सोमवारी बालाजी सरोवर येथे पालकमंत्री जयकुमार गोरे हे भाजपचे महत्वाचे नेते व पदाधिकारी यांच्याशी चर्चा करून निर्णय घेणार असल्याचे सांगण्यात येते. त्यामुळे सोमवारी भाजपकडून परिचारक व राऊत यांच्यामधील सस्पेन्स दूर होणार आहे.
*************
नवप्रभात न्युज पोर्टलला बातम्या व जाहिरातीसाठी संपर्क करा.
संपादक :- अमोगसिद्ध मुंजे
मो.नं. 9423535294
