पालकमंत्री जयकुमार गोरे यांच्यासह महायुतीतील नेत्यांची उपस्थिति
देवाभाऊनी शब्द पाळल्याची चर्चा
सोलापूर…
विधान परिषदेच्या निवडणुकीसाठी भारतीय जनता पार्टीने अखेर राजाभाऊ राऊत यांना उमेदवारी दिली आहे . भाजपाच्या केंद्रीय कार्यालयाकडून महाराष्ट्रातील १० विधान परिषदेच्या उमेदवारांची नावे जाहीर करण्यात आली. त्यामध्ये सोलापूर साठी राजेंद्र राऊत यांचे नाव घोषित करण्यात आले आहे. त्यामुळे प्रशांत परिचारक यांना डावलण्यात आले. मुख्यमंत्री देवेंद्र फडणवीस यांनी भगवंत महोत्सवादम्यान बार्शीकरांना दिलेला शब्द पाळल्याची चर्चा आहे.
या विधान परिषदेसाठी प्रशांत परिचारक की राजाभाऊ राऊत या दोन्हीपैकी कोण? असा प्रश्न उपस्थित होता. मात्र यामध्ये राजाभाऊ राऊत यांनी बाजी मारली आहे.
पालकमंत्री जयकुमार गोरे यांच्या नेतृत्वाखाली ही निवडणूक होत आहे. नुकत्याच झालेल्या जिल्हा परिषद आणि पंचायत समितीच्या निवडणुकीमध्ये राजेंद्र राऊत यांनी सहा जिल्हा परिषद आणि १२ पंचायत समितीच्या निवडणुकीमध्ये सगळ्याच्या सगळे भारतीय जनता पार्टीचे उमेदवार निवडून आणले होते. तसेच बार्शी नगरपालिकेच्या निवडणुकीत भाजपचा झेंडा फडकला होता. त्यामुळे त्यांना पक्षाने बक्षीस म्हणून विधान परिषदेचे उमेदवारी दिली आहे.
सोलापूर स्थानिक स्वराज्य संस्था विधानपरिषद निवडणुकीसाठी भारतीय जनता पार्टी शिवसेना राष्ट्रवादी कॉंग्रेस महायुती तर्फे आज बार्शीचे माजी आमदार राजेंद्र राऊत यांनी आपला उमेदवारी अर्ज जिल्हाधिकारी एस. कार्तिकेयन यांच्याकडे दाखल केला. यावेळी पालकमंत्री जयकुमार गोरे, शिवसेना खासदार ज्योती वाघमारे, आमदार विजयकुमार देशमुख, आमदार बाळराजे देशमुख यांच्या प्रमुख उपस्थितीत उमेदवारी अर्ज दाखल केला.
*************
नवप्रभात न्युज पोर्टलला बातम्या व जाहिरातीसाठी संपर्क करा.
संपादक :- अमोगसिद्ध मुंजे
मो.नं. 9423535294
