७३० गावं, हजारो हात, एकच ध्यास… सोलापूर झाले चकाचक!
‘नावासाठी नाही, फक्त गावासाठी!’
सोलापूर – जिल्ह्याने दाखवून दिले, इच्छा असेल तर गाव चकाचक होतेच! ‘स्वच्छता ही सेवा’ अंतर्गत ‘एक तास गावासाठी’ महामोहिमेला प्रचंड प्रतिसाद मिळाला आहे. ७३० पेक्षा अधिक गावांत हजारो हातांनी श्रमदान करत मंदिरे, शाळा, रस्ते, नदी पात्रातील प्लास्टिक साफ केले..
पालकमंत्री जयकुमार गोरे यांच्या मार्गदर्शनाखाली, CEO कुशल जैन यांच्या नियोजनात ही मोहीम झाली. डेप्युटी-CEO सूर्यकांत भुजबळ, अमोल जाधव आणि सर्व BDO यांनी याचे नियोजन केले.
CEO कुशल जैन म्हणाले, “१ ऑक्टोबर सोबतच २ ऑक्टोबर गांधी जयंतीलाही महास्वच्छता होणार आहे! तरुणांचा सहभाग हीच खरी ताकद आहे. बिबीदारफळ आणि मार्डीच्या युवकांचा आम्ही विशेष सन्मान करणार आहोत.” विशेष म्हणजे ज्या गावात दर रविवारी स्वच्छता होते – मार्डी, बिबीदारफळ, चिणके, सांगवी, भाळवणी, कोर्टी – तिथले वाद-तंटेही कमी झाले आहेत!
उत्तर सोलापूरच्या बिबीदारफळमध्ये ५४ ग्रामस्थांनी सलग ३८ वा रविवार गावासाठी दिला! “नावासाठी नाही, फक्त गावासाठी” हा त्यांचा मंत्र आता राज्यभर फेमस झाला आहे. सौंदरे गावात तर ४ ट्रॉली कचरा गोळा झाला, तर घोळसगावात ३ तास अखंड श्रमदान सुरू होते!
#SolapurCleanest #EkTasGavasathi #BibidarfalModel
________________
*बातम्या व जाहिरातीसाठी संपर्क करा -*
*संपादक :- अमोगसिद्ध मुंजे*
*मो. 9423535294
