‘जुनी पेन्शन योजने’साठी सरकारी कर्मचारी बेमुदत संपावर!
सोलापूर:
राज्य सरकारी कर्मचाऱ्यांच्या विविध प्रलंबित मागण्यांसाठी मंगळवारी सकाळी जुन्या सोलापूर जिल्हाधिकारी कार्यालयासमोर राज्य सरकारी कर्मचारी संघटनेच्या वतीने आंदोलन करण्यात आले. शासनाने दीर्घकाळ प्रलंबित प्रश्नांवर तातडीने निर्णय घ्यावा, अशी मागणी यावेळी करण्यात आली. या आंदोलनात कर्मचारी, शिक्षक, शिक्षकेत्तर कर्मचारी तसेच विविध विभागांतील अधिकारी-कर्मचारी मोठ्या संख्येने सहभागी झाले होते.
सरकारने संवेदनशीलता दाखवून निवृत्ती वेतन योजना तातडीने लागू करणे, रिक्त पदभरती प्रक्रिया सुरू करणे, कंत्राटी कर्मचाऱ्यांना नियमित सेवेत सामावून घेणे, अनुकंपा तत्त्वावरील नियुक्त्या देणे, तसेच कर्मचाऱ्यांचे इतर सेवाविषयक प्रश्न सोडविणे या कर्मचाऱ्यांच्या मागण्यांवर तातडीने सकारात्मक निर्णय घ्यावा, अन्यथा आगामी काळात आंदोलन तीव्र करण्यात येईल, असा इशारा कर्मचारी संघटनांकडून देण्यात आला. यावेळी राजीव साळुंखे, अमृत कोकाटे, शंतनु गायकवाड, अशोक इंदापुरे, आदींसह विविध कर्मचारी संघटनेचे पदाधिकारी सदस्य आणि सरकारी निमसरकारी शिक्षक शिक्षकेतर कर्मचारी आंदोलनास उपस्थित होते.
माजी मुख्यमंत्री एकनाथ शिंदे यांच्या कार्यकाळात सुधारीत राष्ट्रीय निवृत्ती वेतन योजना” जाहिर करुन शासनाने महाराष्ट्र राज्यातील कर्मचारी-शिक्षकांना दिलासा दिला. परंतू सदर योजना कार्यान्वित होण्यासाठी आवश्यक असणा-या अटी, नियम व कार्यपध्दती संदर्भातील अधिसूचना किंवा परिपत्रक अद्याप पारित केलेले नाही. त्यामुळे सदरची योजना १ मार्च २०२४ पासून लागू झाली असल्यामुळे दि.०१ मार्च २०२४ पासून आजपर्यंतच्या कालावधीत सेवानिवृत्त झालेल्या कर्मचा-यांचे “पेन्शन” संदर्भातील भवितव्य अद्याप टांगणीवर लागलेले आहे. संबंधितांना तात्पुरते निवृत्ती वेतन देखील प्राप्त झालेली नसल्याचे कर्मचार्यांकडून सांगण्यात आले.
__________________________________
*🛑नवप्रभात न्युज पोर्टल ला बातम्या व जाहिरातीसाठी संपर्क करा*
*संपादक :- अमोगसिद्ध मुंजे*
*9423535294*
