सभापती चिवडशेट्टी यांनी घेतला पशूसंवर्धन विभागाचा आढावा
सोलापूर :
जिल्ह्यातील पशुधन संख्या दिवसेंदिवस कमी होत आहे. ती वाढविण्यासाठी जिल्हा परिषदेच्या पशुसवंर्धन विभागाकडून विविध योजना राबविणार असुन दूध उत्पादन वाढीलाही प्राधान्य देणार असल्याने लवकरच पशूसंवर्धन विभागाला अच्छे दिन येणार असल्याचे जिल्हा परिषदेचे कृषी व पशुसंवर्धन सभापती रामप्पा चिवडशेट्टी यांनी सांगितले . सभापती चिवडशेट्टी यांच्या अध्यक्षतेखाली पशुसंवर्धन विभागाची गुरुवारी शिवरत्न सभागृहात बैठक झाली. त्यावेळी त्यांनी अधिकाऱ्यांना पशुधन वाढीसाठी विविध योजना राबविण्याच्या सूचना दिल्या. यावेळी पशूसंवर्धन उपआयुक्त डॉ. अनिल तांबे, सहायक आयुक्त डाॅ. विशाल येवले, डाॅ. स्नेहंका बोधनकर , विषय समिती सदस्य नंदकुर वाघमारे, अस्लम चौधरी, गौतम माने, पृथ्वीराज सावंत, रुपाली गोडसे, विकास बुळ्ळा, निलावती टवरे, वनिता गुळवे उपस्थित होते.
शेतीबरोबर इतर जोडधंदा केल्यास शेतकऱ्यांना मोठा फायदा होणार आहे. त्यासाठी जिल्ह्यात शेळ्या, मेंढ्यासह कुकूट पालनात योजनेत वाढ करण्यात येणार आहे. त्याचा फायदा शेतकऱ्यांना होणार असून, त्याविषयी लवकरच निर्णय घेण्यात येणार असल्याचे सभापती चिवडशेट्टी यांनी सांगितले.
यावेळी सभापती चिवडशेट्टी म्हणाले की , जिल्ह्यातील पशुवैद्यकीय दवाखान्यांची संख्या किती, किती इमारत धोकादायक झाल्या आहेत. किती इमारती नवीन बांधावे लागणार आहे. जिल्ह्यातील पशुवैद्यकीय अधिकाऱ्यांच्या किती जागा रिक्त आहेत, याविषयी माहिती घेण्याच्या सूचना अधिकाऱ्यांना दिल्या आहेत. ती माहिती आल्यानंतर त्या दृष्टीने कार्यवाही करण्यात येणार आहे.
________________________________
*🛑नवप्रभात न्युज पोर्टल ला बातम्या व जाहिरातीसाठी संपर्क करा*
*संपादक :- अमोगसिद्ध मुंजे*
*9423535294*
