मंद्रुपच्या जबरी चोरीतील आरोपींना तीन दिवस पोलीस कोठडी
तभा वृत्तसेवा, मंद्रूप, दि. २६ एप्रिल…
मंद्रपमध्ये २४ एप्रिल रोजी रात्री घडलेल्या जबरी चोरीच्या गुन्ह्याचा सहा तासात उलगडा केल्यानंतर मंद्रूप पोलिसांनी तीनपैकी दोन आरोपींना अटक केली असून त्यांना तीन दिवस पोलीस कोठडी मिळाली आहे. आनंद भारत गावडे वय २९ वर्ष रा.भिमनगर मंद्रुप व आशीष मळसिध्द कांबळे वय २४ वर्ष भिमनगर मंद्रुप , सध्या राहणार राहुल नगर संभाजी चौक ए ब्लॉक २८९ बुध्द विहार जवळ उल्हासनगर ४ ठाणे या दोघांना अटक करण्यात आली आहे. तर रूपेश गावडे रा.भिमनगर, मंद्रुप ता.दक्षिण सोलापूर याचा तपास करीत आहेत.
मंद्रूप पोलिस ठाण्याचे पोलीस उपनिरीक्षक राजकुमार डांगे व त्यांच्या सहकार्यांनी जबरी चोरी करून लूटमार करणार्या आरोपींच्या मुसक्या आवळल्या आहेत.
फिर्यादींनी मंद्रूप पोलीसात तक्रार दिल्यानंतर सदर घटनेची गंभीर दखल घेत पोलीस अधीक्षक अतुल कुलकर्णी अप्पर पोलीस अधीक्षक प्रितम यावलकर व उपविभागीय पोलीस अधिकारी संकेत देवळेकर यांच्या मार्गदर्शनाखाली मंद्रूप पोलीस ठाण्याचे पोलिस निरीक्षक शंकर पटवारी यांना सदर गुन्हा उघडकीस आणण्यासाठी सूचना व मार्गदर्शन केले होते . त्या अनुसार पोलीस उपनिरीक्षक राजकमार डांगे, सहायक फौजदार बापू शिंदे, पोलीस
कॉन्स्टेबल माजिद शेख, संदीप काळे, चालक श्रीशैल शिवणे यांचे पथक तात्काळ तपास करून आरोपींना अटक केले . तांत्रिक विश्लेषण, सीसीटीव्ही फुटेज व गोपनीय बातमीदारांच्या मदतीने आरोपींचा माग काढून आरोपींना तीन दिवस पोलीस कोठडी मिळवून दिली आहे.
फिर्यादी यांनी दिलेल्या फिर्यादीनुसार आयशर टेम्पो मधून मालवाहतूक करत असताना मळसिध्दप्पा मंदिर परिसरात तीन अज्ञात इसमांनी त्यांचा टेम्पो अडवून जबरदस्तीने वाहन थांबवले. फिर्यादीस मारहाण करून अंदाजे २०,००० रूपये रक्कम जबरदस्तीने हिसकावून घेतली होती .
…
__________
नवप्रभात न्युज पोर्टल ला बातम्या व जाहिरातीसाठी संपर्क करा.
संपादक :- अमोगसिद्ध मुंजे
9423535294
