बसव सेंटरच्या विविध पुरस्कारांची घोषणा
सोलापूर : लिं. राजशेखर मडकी संस्थापित बसव सेंटरच्या विविध पुरस्कारांची घोषणा करण्यात आली आहे. संस्थेतर्फे पुरस्कार वितरण तसेच मानद पदवीदान व सत्कार समारंभाचे आयोजन करण्यात आले आहे. हा कार्यक्रम रविवार 3 मे रोजी सायंकाळी 6 वाजता हिराचंद नेमचंद वाचनालयाच्या लोकमान्य टिळक सभागृहात (ॲम्फी थिएटर) होणार आहे, अशी माहिती संस्थेचे अध्यक्ष राजेंद्र मायनाळ यांनी पत्रकार परिषदेत दिली.
नंदगाव येथील विरक्त मठाचे राजशेखर महास्वामी यांच्या हस्ते तसेच जिल्हा सरकारी वकील प्रदीपसिंह राजपूत यांच्या प्रमुख उपस्थितीत हा कार्यक्रम होणार आहे. या कार्यक्रमात सोलापूर श्रमिक पत्रकार संघाचे अध्यक्ष विक्रम खेलबुडे यांना आदर्श पत्रकार, प्रख्यात अस्थिरोगतज्ञ डॉक्टर व्यंकटेश मेतन यांना बसवभूषण, प्रसिद्ध विज्ञान साहित्यिक प्रा. डॉ.सुनील विभुते यांना बसवरत्न, सामाजिक कार्यकर्ते डॉ. अशोक हिप्परगी यांना बसवश्री तर रुद्रेश बोरामणी यांना बसव तत्वश्री पुरस्काराने सन्मानित करण्यात येणार आहे. याशिवाय विजय छंचुरे यांच्या आस्था फाउंडेशन संचलित आस्था रोटी बँकेला आदर्श संस्था म्हणून गौरविण्यात येणार आहे. या
पत्रकार परिषदेला बाबासाहेब कुलकर्णी, पुष्पा गुंगे, मल्लिनाथ पाटील, नीलकंठ कोनापुरे उपस्थित होते.
__________
नवप्रभात न्युज पोर्टलला बातम्या व जाहिरातीसाठी संपर्क करा.
संपादक :- अमोगसिद्ध मुंजे
9423535294
