जिल्हाध्यक्षपदी पुन्हा सातलिंग शटगार सर यांची निवड
सोलापूर ः
महिन्याभरापूर्वी पक्षाचे निरीक्षक शहर व जिल्हाध्यक्षांच्या कामांचा आढावा घेण्यासाठी सोलापूर जिल्हा दौऱ्यावर आले होते. यावेळी पक्षनिरीक्षकांनी सोलापूर जिल्ह्यातील ११ तालुक्यात दौरा केला. त्यामुळे पक्षाला उभारी देण्यासाठी नवीन अध्यक्षाची नेमणूक होणार असल्याच्या चर्चेला होत आला होता. मात्र जिल्हाध्यक्ष सातलिंग शटगार यांनी संकटाच्या काळात काँग्रेस पक्षाला बळ दिल्यामुळे पक्षाच्या वरिष्ठांनी पुन्हा एकदा जिल्हाध्यक्षपदी त्यांची निवड केली आहे. त्यामुळे पक्षाच्या हायकमांड कडून शटगार सरांवर विश्वास असल्याचे सिद्ध झाले आहे.
सातलिंग शटगार सर यांनी जिल्ह्यातील अनेक दिग्गज नेते पक्ष सोडून जात असताना जिल्हाध्यक्ष पदाची जबाबदारी स्वीकारली. जिल्हाध्यक्ष झाल्यानंतर प्रत्येक तालुक्यातील जिल्हा परिषद गट व पंचायत समिती गणात जाऊन पक्षाची ताकद वाढवली व पक्षाला ऊर्जितावस्था मिळवून दिली. त्यामुळेच जिल्हा परिषद व पंचायत समिती निवडणुकीत काँग्रेसच्या उमेदवारीसाठी रस्सीखेच सुरू होते. सरांमुळेच काॅंग्रेस भवनमध्ये कार्यकर्त्यांची वर्दळ वाढली आहे. जिल्हाध्यक्षांनी काँग्रेसची ध्येयधोरणे सर्वसामान्यांपर्यंत पोहोचवण्यासाठी विविध कार्यक्रमांमधून जनजागृती केली. तसेच आंदोलने व मोर्चा काढून पक्षाला उर्जितावस्था मिळवून दिली आहे. शिवाय माजी केंद्रीय मंत्री सुशीलकुमार शिंदे व खासदार प्रणिती शिंदे यांच्या मार्गदर्शनानुसार वारंवार अनेक समाज उपयोगी कार्यक्रमाचे आयोजन केले. या सर्वांची दखल घेऊन प्रदेश काँग्रेस कमिटीकडून पुन्हा एकदा काँग्रेसच्या जिल्हाध्यक्षपदी सातलिंग शटगार सरांची निवड करण्यात आली आहे . शटगार सरांच्या निवडीबद्दल काॅंग्रेसच्या कार्यकर्त्यांमधून अभिनंदन करण्यात येत आहे.
—————————————
नवप्रभात न्युज पोर्टलला बातम्या व जाहिरातीसाठी संपर्क करा.
संपादक :- अमोगसिद्ध मुंजे
9423535294
