आमदार सुभाष देशमुख यांची नाट्य कलाकारांशी चर्चा
सोलापूर :
जुळे सोलापूर येथे उभारण्यात येणाऱ्या प्रस्तावित नाट्यगृहाच्या संदर्भात आमदार सुभाष देशमुख यांनी सोलापूरातील विविध नाट्य कलाकार, दिग्दर्शक, साऊंड-लाईट तज्ञ आणि सांस्कृतिक क्षेत्रातील मान्यवरांशी सविस्तर चर्चा केली. कलाकारांनी दिलेल्या सूचनांनुसारच सोलापुरात अत्याधुनिक आणि दर्जेदार नाट्यगृह उभारले जाईल.
सांस्कृतिक चळवळीला चालना देणारे आणि कलाकारांना हक्काचे व्यासपीठ मिळवून देणारे नाट्यगृह साकारण्याचा प्रयत्न राहील, असा विश्वास यावेळी आमदार देशमुख यांनी व्यक्त केला.
या बैठकीत कलाकारांनी पुणे आणि मुंबई येथील आधुनिक नाट्यगृहांच्या धर्तीवर सोलापुरातही अत्याधुनिक सुविधा असलेले नाट्यगृह उभारण्याची मागणी केली. ध्वनी आणि प्रकाश व्यवस्था, प्रशस्त आसन क्षमता, डिजिटल तंत्रज्ञान, कलाकारांसाठी स्वतंत्र ग्रीनरूम, सरावासाठी जागा तसेच पार्किंग सुविधा यांसारख्या बाबींवर विशेष चर्चा करण्यात आली.
बैठकीला महापालिकेचे प्रकाश दिवाणजी, आर्किटेक्ट चिंचोली यांच्यासह विजय साळुंखे, जे. पी. कुलकर्णी, अमोल देशमुख, जैद शेख, डॉ. मीरा शेंडगे, शांता येळमकर, नरेंद्र गंभीरे, शिरीष देखणे आणि देवदत्त सिद्धम यांच्यासह विविध कलाकार व तज्ञ उपस्थित होते.
—————————————
नवप्रभात न्युज पोर्टलला बातम्या व जाहिरातीसाठी संपर्क करा.
संपादक :- अमोगसिद्ध मुंजे
9423535294
