सोलापूर शहर आणि जिल्ह्यात सायबर फसवणुकीच्या घटनेत वाढ
सोलापूर…
सोलापूर शहर आणि जिल्ह्यात सायबर फसवणुकीच्या घटनेत दिवसेंदिवस वाढत असतानाच आता थेट सोलापूर जिल्हाधिकारी एस. कार्तिकेयन यांच्या नावाने आणि फोटोचा गैरवापर करून वाटसपवर वर फेक अकाउंट तयार करण्यात आल्याचा धक्कादायक प्रकार समोर आला आहे. संबंधित फेक अकाउंटसाठी +84 85827 6088 हा नंबर वापरण्यात येत असून, या माध्यमातून नागरिकांची फसवणूक किंवा कोणतेही अनाधिकृत व्यवहार घडवून आणण्याची शक्यता व्यक्त केली जात आहे. या गंभीर प्रकाराची माहिती स्वतः जिल्हाधिकारी एस. कार्तिकेन यांनी त्यांच्या अधिकृत वाटसप अकाउंटवर स्टेटस ठेवत सार्वजनिक केली आहे. नागरिकांनी या नंबरवरून येणारे कोणतेही संदेश, कॉल किंवा आर्थिक मागण्या याकडे दुर्लक्ष करावे.
संबंधित नंबर तात्काळ ब्लॉक करावा आणि कोणतीही वैयक्तिक माहिती शेअर करू नये, असे आवाहन त्यांनी केले आहे.
विशेष म्हणजे काही दिवसांपूर्वीच कुशल जैन यांच्या नावाने देखील अशाच प्रकारे फेक वाटसप अकाउंट तयार करण्यात आले होते. त्या प्रकरणानंतर आता जिल्हाधिकाऱ्यांच्या नावाचा गैरवापर झाल्याने प्रशासनातही खळबळ उडाली आहे.
डिजिटल युगात सायबर गुन्हेगार आता थेट वरिष्ठ अधिकाऱ्यांची ओळख वापरून नागरिकांना जाळ्यात ओढण्याचा प्रयत्न करत असल्याचे हे ताजे उदाहरण मानले जात आहे. अधिकाऱ्यांचे फोटो, नाव आणि पद वापरून विश्वास निर्माण केला जात असून, त्यानंतर पैशांची मागणी, ओटीपी , बँक माहिती किंवा इतर संवेदनशील माहिती उकळण्याचे प्रकार घडत असल्याची शक्यता नाकारता येत नाही.
__________________________________
🛑नवप्रभात न्युज पोर्टल ला बातम्या व जाहिरातीसाठी संपर्क करा
संपादक :- अमोगसिद्ध मुंजे
9423535294
