मंद्रूप परीसरात वादळी वार्यामुळे नुकसान
मंद्रूप ..
मंद्रूप परिसरात शनिवारी रात्री अचानक आलेल्या वादळी वार्यामुळे शेती पिकासह अनेक घरांचे मोठ्या प्रमाणात नुकसान झाले. रात्री आठ वाजण्याच्या सुमारास पाऊस, गारपीट आणि प्रचंड वेगाच्या वाऱ्यामुळे नागरिकांची मोठी धावपळ उडाली. वीजांच्या गडगडाटामुळे नागरीकांमध्ये भीतीचे वातावरण दिसून आले. मंद्रूपमधील बाशाभाई शेख यांच्या शेतातील बैलावर वीज कोसळल्याने बैलाचे मृत्यू झाले. अनेक घरांवरील पत्रे उडून गेली असून काही ठिकाणी पत्र्याच्या शेडही हवेत उडाल्याचे प्रकार घडले.
अचानक आलेल्या या नैसर्गिक संकटामुळे व्यापारी, शेतकरी आणि सर्वसामान्य नागरिकांचे मोठे नुकसान झाल्याचे सांगण्यात येत आहे.
दरम्यान, महावितरणच्या वीज वाहिन्यांनाही मोठा फटका बसला आहे. काही भाग अंधारात गेले असून नागरिकांना गैरसोयीचा सामना करावा लागला. महावितरणचे कर्मचारी तातडीने दुरुस्तीचे काम सुरू केले .
गारपिटीमुळे शेतकऱ्यांमध्येही चिंतेचे वातावरण निर्माण झाले आहे. फळबागायत पिकांना फटका बसला आहे.
वादळी वार्यामुळे काही ठिकाणी घरांमध्ये पावसाचे पाणी शिरले. घरातील संसारोपयोगी वस्तूंचे नुकसान झाले असून अनेक कुटुंबांना रात्रीच्या वेळी अंधारातच परिस्थितीचा सामना करावा लागला.
….
वीज पडून बैलाचे मृत्यू
….
शनिवारी रात्री झालेल्या वीजांच्या गडगडाटामुळे पावसाचे रौद्ररूप दिसून आले. यावेळी वीज पडून मंद्रूपमधील बाशाभाई शेख यांच्या बैलाचे मृत्यू झाले. शनिवारी दिवसभर शेतीचे मशागत करून शेतात बैल बांधले होते. रात्री वीज पडल्याने बैलाचे मृत्यू झाल्यामुळे हळहळ व्यक्त करण्यात येत होते.
तलाठी रावसाहेब कोकरे यांनी पंचनामा करून शासनाकडे अहवाल पाठविल्याचे सांगितले.
_________________________________
*🛑नवप्रभात न्युज पोर्टल ला बातम्या व जाहिरातीसाठी संपर्क करा*
*संपादक :- अमोगसिद्ध मुंजे*
*9423535294*
