खो खो मध्ये धाराशिव तर कबड्डीमध्ये मुंबई उपनगर प्रथम क्रमांकाचे मानकरी

राज्य निमंत्रित महिला खोखो व कबड्डी स्पर्धा

सोलापूर :
राज्य निमंत्रित महिलांच्या खो खो स्पर्धेत धाराशिवचे छत्रपती व्यायाम प्रसारक मंडळ व कबड्डीमध्ये स्वराज्य स्पोर्ट्स क्लब मुंबई उपनगरने विजेतेपद पटकाविले.
माजी आमदार दिलीप माने यांच्या हस्ते प्रथम तीन संघास ५१ हजार ,३१ हजार , १५ हजार रुपये पारितोषिक व अहिल्याबाई होळकर स्मृती करंडक देण्यात आले. यावेळी डॉ. सूर्यकांत कोठे, नगरसेवक प्रथमेश कोठे, शिवछत्रपती क्रीडा पुरस्कार विजेते श्रीकांत ढेपे, स्पर्धेचे निरीक्षक संदीप तावडे, जयंत मोरे, खोखो असोसिएशनचे पदाधिकारी उमाकांत गायकवाड, श्रीरंग बनसोडे, शरद व्हनकडे, अजित शिंदे, कबड्डी असोसिएशनचे पदाधिकारी मदन गायकवाड, एल. एस. गायकवाड, मरगु जाधव, संजय मोतेकर, लक्ष्मण बेल्हाळे व संतोष जाधव, हिंदू धर्मरक्षिणी पुण्यश्लोक अहिल्यादेवी होळकर मध्यवर्ती महामंडळ ट्रस्टी अध्यक्ष जयवंत सलगर, उपाध्यक्ष अक्षय वाकसे, उपाध्यक्ष नागेश खरात, सचिव शंकर नरोटे, सहसचिव समर्थ मोटे, खजिनदार प्रवीण खरात, ट्रस्टी, जयदीप जानकर, शिवाजी वाघमोडे, सिद्धबाबा निशाणदार, दिग्विजय देवकते, प्रभात हक्के, अतुल माशाळ, योगेश तरंगे आदी उपस्थित होते.

नार्थकोट प्रशालेच्या मैदानावर हिंदू धर्मरक्षिणी पुण्यश्लोक अहिल्यादेवी होळकर मध्यवर्ती महामंडळ यांच्या वतीने सोलापूर जिल्हा कबड्डी व खो-खो असोसिएशन आणि उत्कर्ष क्रीडा मंडळ यांच्या सहकार्याने स्पर्धा आयोजित केली होती. खो-खो च्या अंतिम सामन्यात अश्विनी शिंदे (३. ३०, १. ०० मि. नाबाद व २ गुण) व संध्या सुरवसे (१.००, ३. ०० मि. व ३ गुण ) यांच्या अष्टपैलू खेळामुळे धाराशिवने ठाण्याच्या ज्ञानविकास स्पोर्ट्स फाउंडेशनवर १३-९ असा एक डाव राखून दणदणीत विजय मिळवला.
कबड्डीच्या अंतिम सामन्यात याशिका पुजारी, प्रतिक्षा तांडेल व सानिया इंगळे यांच्या अष्टपैलू खेळीमुळे मुंबई उपनगरच्या स्वराज्य स्पोर्ट्स क्लबने बारामती अकॅडमीस २९-१९ असे हरविले.
——-
स्पर्धेतील प्रथम तीन संघ
खोखो: छत्रपती व्यायाम प्रसारक मंडळ (धाराशिव), ज्ञानविकास स्पोर्ट्स फाउंडेशन (ठाणे), आर्यन स्पोर्ट्स क्लब (रत्नागिरी).
…,.
कबड्डी : स्वराज्य स्पोर्ट्स क्लब (मुंबई उपनगर), बारामती अकॅडमी (बारामती), आनंदवन महिला संघ (परभणी).
——
वैयक्तिक पारितोषिक विजेते खेळाडू
खोखो अष्टपैलू : अश्विनी शिंदे (धाराशिव), आक्रमक : वैष्णवी फुटक (रत्नागिरी), संरक्षक : दिव्या गायकवाड (ठाणे)
कबड्डी अष्टपैलू : याशिका पुजारी ( मुंबई उपनगर), चढाईपटू : सुंदरी गुप्ता (बारामती), बचावपटू : प्रीती जाधव (सांगली).