‘हात धुवा नायक व्हा’ ही यंदाची थीम
सोलापूर: स्वच्छता ही सेवा २०२६ आणि संकल्प सेवा अभियान अंतर्गत सोलापूर जिल्ह्यातील सर्व शाळा व अंगणवाड्यांमध्ये १५ ऑक्टोबर रोजी जागतिक हात धुवा दिन साजरा करण्याच्या सूचना जिल्हा परिषदेचे मुख्य कार्यकारी अधिकारी कुशल जैन यांनी दिल्या आहेत.
साबणाने हात धुण्याच्या सवयीचा प्रसार व्हावा यासाठी हा उपक्रम राबवण्यात येणार आहे. १५ ऑक्टोबर हा दिवस संपूर्ण जगात Global Handwashing Day म्हणून साजरा केला जातो. सन २००८ पासून हा दिवस साजरा केला जातो. यंदाची संकल्पना “हात धुवा नायक व्हा” अशी आहे. 
संसर्गजन्य आजार दूर ठेवण्यासाठी साबणाने हात धुणे हा सर्वात सोपा आणि प्रभावी उपाय असल्याचे प्रशासनाने म्हटले आहे. जेवणापूर्वी आणि शौचास जाऊन आल्यानंतर साबणाने हात धुतल्यास डायरिया, पोटदुखी आणि श्वसनाचे गंभीर आजार टाळता येतात, असे आवाहन जिल्हा परिषदेकडून करण्यात आले आहे.
________________
*बातम्या व जाहिरातीसाठी संपर्क करा -*
*संपादक :- अमोगसिद्ध मुंजे*
*मो. 9423535294*
